ЕАР, Ниноҵминда иҟоу аҭагылазаашьа иадҳәаланы агәынамӡара аанарԥшуеит, – илҳәеит Қырҭтәыла иҟоу ЕАР аҿиара апрограмма еснагьтәи ахаҭарнак инапынҵақәа назыгӡо Анна Чернышева.

Чернышева лажәақәа рыла, Жәлар рыхьчаҩ абри еиԥш аусҳәарҭақәа рахь днарышьҭроуп.

“Иунисефгьы аҳәамҭа ҟанаҵеит, саргьы ҳпозициа аасырԥшыр сҭахуп. Жәлар рыхьчаҩ абри еиԥш аусҳәарҭақәа рахь днарышьҭроуп, уи ахәыҷқәа ирызку азҵаара агәаҭара алшара имазароуп, ахәыҷқәа ашьаҭатә зинқәа хьчазароуп. Абри ауп ҳара ҳпозициа, Аиҳабырагьы иеффекту аусзура нанагӡоит ҳәа ҳгәыӷуеит,” – илҳәеит Анна Чернышева.

Қырҭтәыла Аҩнуҵкатәи аусқәа рминистра Ниноҵминдатәи апансион иазку аҳәамҭа аланарҵәеит рашәара 4 рзы. Аминистра аҟынтә ишаарыцҳаз ала, Ниноҵминдатәи апансион инхо ахәыҷқәа рганахьала ацәгьаура афакт иадҳәаланы аусԥшаара еиԥырҟьам аредим ала мҩаԥысуеит.