Қырҭтәыла иҟоу Америка ацҳаражәҳәаҩ ҿыц Робин Данниган Қырҭтәыла адәныҟатәи аусқәа рминистр Илиа Дарчиашвили Агәраргагатә шәҟәқәа рхкьыҧхьаақәа илҭеит, убри ашьҭахь, аганқәа рхаҭарнакцәа, аибадырратә ҟазшьа змаз аиҧылара мҩаҧыргеит.

Адәныҟатәи аусқәа рминистрра апресс-маҵзура адыррала, аиҧылараҿы ҩ-ганктәии аганрацәалатәи форматқәа рҿы Қырҭтәылеи Америкеи русеицура иалацәажәеит.

«Робин Данниган даҽазнык ишьақәлырҕәҕәеит Америка Қырҭтәыла ахьыҧшымреи, аҵакырадгьылтә акзаареи, иара убас, Қырҭтәыла адәныҟатәи априоритетқәа  — европатәи евроатлантикатәи интеграциеи ишадгыло.

Америка ацҳаражәҳәаҩ Еврокомиссиа 12 абжьагарақәа рынагӡара апроцесс иазку аинформациа лоуит. Аганқәа рхаҭарнакцәа ишырҳәаз ала,  Қырҭтәыла имҩаҧысуа ареформақәа иахәҭоу ахәшьара роуп ҳәа игәыҕуеит», — иануп Адәныҟатәи аусқәа рминистрра аинформациаҿы.