Иахьа Қырҭтәыла аизга атурнир  «Евробаскет — 2022» аҳәаақәа ирҭагӡаны раҧхьатәи аматч мҩаҧнагоит. Ҳкоманда Бельгиа аизга иацлабуеит, ари аматч ала аҭоурыхтә «Евробаскет» иалагоит. Ахәмарра иалагоит асааҭ 21:00 рзы, ишиашо ицо арепортаж жәбар шәылшоит Қырҭтәыла Актәи аканал аҿы.

2022 шықәсатәи Европа ачемпионат ҳтәылазы аҭоурыхтә ҵакы амоуп 2 мзызк рыла  —  Қырҭтәыла ари ачемпионат мҩаҧнагоит Чехиеи, Германтәылеи, Италиеи инарывагыланы.

2022 шықәсатәи  «Евробаскет» Қарҭ амҩаҧгара асимволтә ҵакы амоуп:  100 шықәса раҧхьа,  1922 шықәсазы, ҳтәылаҿы амҵәышәампыл аларҵәара иалагеит  –  Ушанги Чхеиӡе имҩаҿы раҧхьатәи амҵәышә шьақәыргылан.  Сынтәа ҳтәыла амҵәышәампыл  100 шықәсатәи аиубилеи азгәанаҭоит.

Қырҭтәыла аизгаҿ ихәмаруеит НБА ҩыџьа ахәмарҩцәа  — Гога Битаӡеи  Сандро Мамукелашвилии. Аха ацәыӡ дугьы ҳамоуп: нанҳәа 24 рзы аизга акаҧдан Ҭорнике Шенгелиа, Адунеи ачемпионат алхратә етапаан атравма иоун,  «Евробаскет» аҿы дзыхәмаруам.

Қырҭтәыла аизга азыҟаиҵоит  Илиас Зурос.