Қырҭтәыла Афинансқәа рминистрра Ахашәалақәа рмаҵзура ателееилахәыра  «Пирвели»  аҭыхымҭа иадҳәаланы аҳәамҭа аланарҵәан, ари ахыҭымҭаҿ иарбаз аинформациа шиашам азгәарҭеит. Аусбарҭа аҳәамҭа ишану ала, жәларбжьаратәи асанкциақәа рышьақәыргылара амш инаркны, Қырҭтәыла аҧҟарақәа зегьы ирықәныҟәоит.

«Ҳпартниортә усбарҭақәа зегьы, жәларбжьаратәи аиҿкаарақәа зегьы, аинформациа наӡа рымоуп асанкциақәа рықәныҟәара аганахьала ахазалхратә процедурақәа ирызкны.

Иара убас, Қырҭтәыла аҵакырадгьыл асанкциақәа рывсразы ахархәара амамзаарц азыҳәан, атауар ахылҵшьразы асертификатқәа рыҭара афактқәа зегьы агәаҭара ҷыда иахысуеит.

Афинансқәа рминистрра Ахашәалақәа рзы амаҵзура  даҽазнык аганқәа зегьы рахь ааҧхьара ҟанаҵоит Қырҭтәыла аҵакырадгьылаҿ аидара агәаҭара иазкны ҳтәыла иаҧырхагоу, ииашам аинформациа аларҵәара иаҟәыҵырц, — иануп аҳәамҭаҿы.