Қырҭтәыла авакцинациа апрограмма арӷәӷәаразы, Адунеитә банк иацҵаны 34.5 миллион доллар алнахит. Ари атәы аарыцҳаит Адунеитә банк аҟынтә.

“Иахьа ишьақәҳарӷәӷәаз афинансркра хықәкы хадақәас амоуп Covid-19 авакцинациа алшара ауааԥсыра еиҟараны ирымазарц, Қырҭтәыла авакцинациа асистема арӷәӷәара, акоронавирус аҿагыларатә уснагӡатәқәа рышьақәарӷәӷәара. Адунеитә банк абри ала Қырҭтәыла Аиҳабыра рплан иманшәаланы анагӡара иадгылоит, аплан инақәыршәны, 2021 шықәсазы ауааԥсыра 60% акоронавирус азы алаҵақәа рзыҟарҵароуп,” – иануп Адунеитә банк аҳәамҭа аҿы.

Адунеитә банк аинформациа аҿы ишану ала, ҵыԥх COVID-19 аҿагылара апроект аҳәаақәа ирҭагӡаны, Адунеитә банк Қырҭтәыла ацхыраара азаанарԥшуан апандемиа иахылҵыз ашәарҭақәа рпревенциеи аҿагыларатә уснагӡатәқәа рымҩаԥгареи рҿы.  Агәабзиарахьчара аминистра апроект аҳәаақәа ирҭагӡаны Адунеитә банк аҟынтә аиуит:  амедицинатә еибыҭара – ԥшьмиллион иреиҳаны PCR атестқәеи, антиген азы атест лассқәеи, DNA аекстракциазы аибыҭареи, 1000 иреиҳаны аҵәыҵәритә терапиазы аппаратқәеи, ареанимациатә цхыраарахы аиарҭақәеи аҵәыҵәритә хчқәеи, 11 миллион апенрсоналтә хархәагақәеи  уҳәа уб. егь.