Қырҭтәыла Аҧыза-министр Иракли Ҕарибашвили Украина атәылахьчара аминистр Андри Таран диҧылеит.

Аганқәа рхҭарнакцәа Қырҭтәылеи Украинеи рыбжьара астратегиатә партниорра ахадаратә хырхарҭақәа ирылацәажәеит. Иаҵшьны иазгәаҭан атәылақәа реиҩызаратә еизыҟазаашьақәа. Аганқәа рхаҭарнакцәа ишазгәарҭаз ала, арегион аҿы аҭынчреи аҭышәынтәалареи аиқәыршәаразы аҵакы ду амоуп Қырҭтәылеи Украинеи рыҩнуҵҟа аҭынчреи аҭышәынтәалареи адгылара. Аганқәа рхаҭарнакцәа ишырҳәаз ала, Қырҭтәылеи Украинеи рдәныҟатәи ршәарҭадаратәи политикаҿы ахадаратә ҵакы змоу ахырхарҭақәа иреиуп НАТО ашҟа аинтеграциа. Аиҳабыра рнапхгаҩы иҳәамҭала, атәылақәа ринтересқәа ахьеиқәшәо аусхкқәа рҿы аусеицура хымҧада ирҭбаатәуп. Ас еиҧш иҟоу аусхкқәа иреиуп Амшын еиқәа ашәарҭадареи, Зылшарақәа ирҭбаау апартниорра (EOP) аформати.

Иракли Ҕарибашвили ишазгәеиҭаз ала, ҩ-ганктәи астратегиатә партниорра аформат аиҿкаара дақәшаҳаҭуп. Иара иажәақәа рыла, абри амеханизм ҿыц Қырҭтәылеи Украинеи ҩ-ганктәи реизыҟазаашьақәа рзы анырра бзиа амазаауеит.

Аҧыза-министр ҩ-ганктәи аусеицура иазку 2021 шықәсатәи аплан анапаҵаҩра афакт ибзианы дахцәажәеит, уи абзоурала, ҩ-тәылак ртәылахьчаратә усбарҭақәа рыбжьара апартниорра иаҳа иҕәҕәахоит.

Аиҳабыра рнапхгаҩы Украина атәылахьчара аминистр Қырҭтәыла ахьыҧшымреи аҵакырадгьылтә акзаареи адгыларазы ҭабуп ҳәа иаҳәаны, иаҵшьны иазгәеиҭеит Қырҭтәылагьы Украина ахьыҧшымреи аҵакырадгьылтә акзаареи ишадгыло. Иракли Ҕарибашвили ишиҳәаз ала, ҩ-ганктәи, иара убас, аганрацәалатәи форматқәа рҿы Украина аполитикатә адгылара ҕәҕәа азаарҧшра дазыхиоуп. Аиҧылара алахәылацәа атәылахьчара аусхкы аҿы Қырҭтәылеи Украинеи русеицураҿы ахадаратә ҵакы змоу ахырхарҭа – азеиҧш азыҟаҵарақәа рылахәызаара азҵаарагьы иазааҭгылеит. Ишазгәаҭаз ала, зыӡбахәы ҳәоу ахырхарҭала аусеицураҿы иҟоу адинамика бзиа ахьчара аҵакы ду амоуп. Иара убас, Аҧыза-министр иаҵшьны иазгәеиҭеит арра-техникатә усхкы аҿы Қырҭтәылеи Украинеи русеицура арҭбаара дшақәшаҳаҭу.