Қырҭтәыла аҧыза-министр Иракли Кобахиӡе Шанхаи ахада Кунг Ҷенг диҧылеит. Аиҳабыра рнапхагаҩы Шанхаи ахада Қырҭтәыла аделегациа рыдкыларазы ҭабуп ҳәа иаҳәаны, иаҵшьны иазгәеиҭеит Аимпорт жәларбжьаратәи ацәыргақәҵаҿы асас ҷыда истатусла Қырҭтәыла алахәызаара аҵакы ҷыда шамоу.

Хшыҩзышьҭра рызун Қырҭтәылеи Китаитәи жәлартә республикеи реиҩызаратә еизыҟазаашьақәеи еиуеиҧшым аусхкқәа рҿы қәҿиарала имҩаҧысуа аусеицуреи.

Аҧыза-министр Шанхаи ахада адкылара бзиазы ҭабуп ҳәа иеиҳәеит.

“Шанхаи Китаи апрогресси амодернизациеи рганахьала иҿырҧшыгоуп. Китаи еиуеиҧшым ахырхарҭақәа рыла  аҿиара ишаҿу убарҭоуп. Ҳара Китаи аус ацура анагӡара азҵаара аҵакы ҷыда анаҳшьоит.  Ҳтәылақәа астратегиатә усеицура иазку аиқәшаҳаҭра рыбжьарҵеит, убри анеҩс ҳаизыҟазаашьақәа рҿы аетап ҿыц иалагеит. Ҩ-ганктәи аизыҟазаашьақәа рҿы аҩ-тәылак ирзыфеидоу алҵшәақәа иҟазар ҳҭахуп, уи ҳара ҳзы аҵакы ду амоуп. Аимпорт жәларбжьаратәи ацәыргақәҵа алахәызаарагьы ҳара ҳзы иаҵанакәа рацәоуп, избанзар, аполитикатә усеицура инаваргыланы, аекономикатә еизыҟазаашьақәагьы аҵакы ҷыда ранаҳшьоит. Гәахәарала иазгәасҭар сҭахуп Қырҭтәылеи Китаии аинтенсивтә ахәаахәҭра-економикатә еизыҟазаашьақәа шрыбжьоу”, – иҳәеит Иракли Кобахиӡе.