Қырҭтәыла аҧыза-министр Иракли Ҕарибашвилии Азербаиџьантәи ареспублика аҧыза-министр Али Асадови ҭелла еиҿцәажәеит. 

Иракли Ҕарибашвилии Али Асадови дара-дара ирыдырныҳәалеит Қырҭтәылеи Азербаишьани рыбжьара адипломатиатә еизыҟазаашьақәа рышьақәыргылара инаркны  30 шықәса аҵра. 

Аколлегацәа иаҵшьны иазгәарҭеит  Қырҭтәылеи Азербаиџьани рстратегиатә партниортә еизыҟазаашьақәа рыҩаӡара ҳаракы, ишырҳәаз ала, арҭ аизыҟазаашьақәа шьақәгылеит аиҩызареи, аигәылареи, аилибакаареи ашьаҭала. 

Аганқәа рхаҭарнакцәа ҩ-тәылак реизыҟазаашьақәа рырҕәҕәара апроцессаҿ зыҩаӡара ҳараку авизитқәа рҵакы иалацәажәан, иаҵшьны иазгәарҭеит сынтәа жьҭааразы Азербаиџьантәи ареспублика ахада Илҳам Алиев Қырҭтәыла имҩаҧигаз авизит аҵакы. 

Иракли Ҕарибашвилии Али Асадови аполитикатәи, аекономикатәи, атранспорттәи, агуманитартәи, аенергетикатәи уҳәа, еиуеиҧшым аусхкқәа рҿы  Қырҭтәылеи Азербаиџьани реизыҟазаашьақәа иаҳа рырҭбаара аперспективақәа ирылацәажәеит.

Қырҭтәыла аҧыза-министр иколлега даҽазнык Қарҭҟа дааиҧхьеит сынтәа ҧхынҷкәын азы  имҩаҧысраны иҟоу Аекономикатә усеицуразы аиҳабырабжьаратә комиссиа аилатәара аҽалархәразы. Аҧыза-министр ишиҳәаз ала, зыӡбахәы ҳәоу авизит ҩ-тәылак рыбжьара аусеицура аусхәаҧштә иаҵанакәа азҵаарақәа зегьы рыӡбара иацхраауеит.