Қырҭтәыла аҧыза-министр Иракли Ҕарибашвили Атәанчаратә фонд аинвестициатә хеилак алахәылацәа дырҧылеит. 

Аиҳабыра радминистрациаҿы имҩаҧгаз аиҧыларааан хшыҩзышьҭра азун  Қырҭтәыла аекономика аҿиара апроцесс аҿы Атәанчаратә фонд инанагӡо ароль, ари ахырхарҭала иаҵшьны иазгәаҭан кыраамҭалатәи аинвестициатә хыҵхырҭақәа ирымоу аҵакы. Ишазгәаҭаз ала, ҳаҧхьаҟа афонд аусура иаҳа алҵшәа ахылҵырц азыҳәан, абри ахырхарҭала Қырҭтәыла аиҳабыра рҟны активла аусеицура иаҿуп. 

Аизгаратә тәанчахә иазку азакәан инақәыршәаны, уажәазы агентра аинвестициатә фонд иаҵанакәеит зшәарҭара маҷу апортфель мацара. 

Уажәазы аизгаратә тәанчахә асхема иалахәып 1.1 миллионҩык раҟара ауааҧсыра. Зынӡа ари актив  2.17 миллиард лари иаҟароуп,  абри аҧара аҟынтә 309 миллион лари аинвестициатә усура иахылҵыз ахашәалоуп.  Ҳазну ашықәс азы аеффекттә хашәала 11.6% иаҟароуп, афонд аус арура инаркны иахьанӡа –  34%.  Атәанчаратә агентра – ихьыҧшым азеиҧш зин аиуристтә хаҿуп, уи аҭак аҧхықәуп аизгаратә атәанчаратә схема анагӡареи, анапхгара аҭареи, аиҿкаареи азы.