Қырҭтәыла, Антикоррупциатә биуро ала аолигархс иазхарҵо ауааҧсыра аполитикатә партиақәеи апротесттә акциақәеи аҧара рзоушьҭра азин рымазаауеит.

«Адеолигархизациа иазку» азакәанпроект аханатәтәи аверсиаҿы абри аҩыза ақәиҭымтәра иҟан. Венециатәи акомиссиа абжьагарала, ириашоу авариантаҿ ақәиҭымтәратә нормақәа иаҧыхуп.

Аолигархс иазхарҵо ауааҧсыра ақәиҭымтәра заҵәык рзышьақәыргылоуп, дара апривиатизациа апроцесс аҽалархәра рылшом.

Қырҭтәыла апарламент аҿы иҟоу аиуристтә зҵаарақәа рзы акомитет ахантәаҩы  Анри Оханашвили ишиҳәаз ала, азакәанпроект ахәҭаҷқәак  аолигархс иазхаҵоу ауаҩҧсы аполитикатә партиақәа ралхранӡатәи акампаниақәеи адемонстрациақәеи аҧара рзоушьҭры азин имхра иазкын, аха, Венециатәи акомиссиа агәаанагарала, уи ауаҩҧсы изинқәа реилагара ахылҵыр ауеит.