Қырҭтәыла аиҳабыра аус рыцурала, Exim Holding аилахәыра ҿыга „Аҷар енерџьи“ атәыла аенергетикатә сектор иаланаҵоит 460 миллион адоллар аинвестициа, – ари атәы еилкаахеит аҧыза-министр Иракли Кобахиӡеи аилахәыра анапхгареи иахьатәи реиҧылара ашьҭахь.  

Аинвестициатә проектла иазҧхьагәаҭоуп аҧшатә афымцастанциақәа хәбеи амратә афымцастанциаки рыргылара, уи абзоурала, атәыла, инеизакны иаиуеит  360 мегаватт афымца, уи атәыла аенергетикатә сектор арҕәҕәареи, ари ахырхарҭала Қырҭтәыла аконкуренциалшара аизырҳареи иацхраауеит.  

Аиҧылара ашьҭахь Achar Energy-Eksim Holding ахаҭарнак иаҵшьны иазгәеиҭеит атәыла аинвестициатә потенциал дуи, абизнесменцәа Қырҭтәыла аиҳабыра рҟынтә ирымоу адгылареи. Иара ишиҳәаз ала, абри зегьы абзоурала, аҳәаанырцәтәи аинвесторцәа атәылахь азҿлымҳара ду аадырҧшуеит. Зыӡбахәы ҳәоу аилахәыла зеиҧшҟамлац ала идуу аинвестициа сынтәа  амҩаҧгара иалагоит, зыӡбахәы ҳәоу афымцатә станциақәа етапла рхархәара ҟалоит.    

Exim Holding аилахәыра ҿыга „Аҷар енерџьи“ аҵыхәтәантәи ашықәсқәа рзы қәҿиарала Қырҭтәыла аус ауеит, аӡфымцатә 2 станциак дыргылахьеит, зынӡа урҭ ирылаҵан  200 миллион адоллар.