Қырҭтәылеи Сербиеи реиҳабырақәа, атәылақәа рыбжьара аҳауатә неиааира иазку еиқәшаҳаҭреи аилибакаара амеморандуми рнапы аҵарҩит, – аанацҳаит Қырҭтәыла атәылауаҩратә авиациазы агентра.

Аусҳәарҭа аинформациа ала, аиқәшаҳаҭра рнапы аҵарҩит  Қырҭтәыла атәылауаҩратә авиациазы агентра адиректор Гиви Давиҭашвилии Сербиатәи Ареспублика атәылауаҩратә авиациазы адиректорат адиректор хада Мириана Сизмарова. Аиқәшаҳаҭра анапаҵаҩра ацеремониаҿ дыҟан Сербиатәи Ареспублика Аргылареи, атранспорти, аинфраструктуреи рминистр Александра Софрониевич.

“Атәылақәа рыбжьара аҳауатә неиааира иазку еиқәшаҳаҭреи аилибакаара амеморандуми рнапаҵарҩра иабзоураны, Сербиеи Қырҭтәылеи рыбжьара ишиашоу еиԥырҟьам аҳауатә неиааира аланара алшахоит Авиаеилахәыра Air Serbia Қырҭтәыла атәылауаҩратә авиациазы агентрахь ареисқәа рынагӡаразы арзаҳал аланаҵахьеит. Сынтәа, рашәара 15 инаркны Белгарди Қарҭи рыбжьара еиԥырҟьам ареисқәа рынагӡара иалагоит”, – иануп агентра аинформациа аҿы.