Иахьа Қырҭтәыла ахада Михаил Ҟавелашвили аофициалтә визитла Шәамахьтәыла даҭаауеит. Атәыла ахада аделегациа ицуп.

Қырҭтәыла ахада иадминистрациа апрессмаҵзура адыррақәа рыла, жәларбжьаратәи аҳаирбаҕәаза  „Звартноц“ аҿы атәыла ахада диҧылоит Шәамахьтәыла авице-аҧыза Тигран Хачатуриан.

Авизит аҳәаақәа ирҭагӡаны, Қырҭтәыла ахада  Шәамахьтәыла ахада диҧылоит апрезидент иҩнаҿы. Аплан иарбоуп Михаил Ҟавелашвилии Ваҳагн Хачатуриани ишиашо реиҧылареи, ирҭбаау аформатаҿы аиҧылареи, убри анеҩс, ҩ-тәылак рхадацәа амедиазы аҳәамҭақәа ҟарҵоит.

Аофициалтә визит аҳәаақәа ирҭагӡаны, Михаил Ҟавелашвили, Шәамахьтәыла аҧыза-министр Никол Ҧашиниан диҧылоит.

Қырҭтәыла аделегациа иалоуп: атәыла ахада иадминистрациа аиҳабы Қеҭеван Квиникаӡе, адәныҟатәи аусқәа рминистр лхаҭыҧуаҩ Лаша Дарсалиа, Қырҭтәыла апарламент аханәтаҩы актәи ихаҭыҧуаҩ Гьаргь Вольски, адепутатцәа  –  Самвел Манукиан, Сумбат Киуредиан, адәныҟатәи аизыҟазаашьақәа рызҵаарақәа рзы атәыла ахада ибжьагаҩ Лука Ехваиа.