Қырҭтәыла апарламент Европаҟны аинтеграциа акомитет ахантәаҩы польшатәи аколлегацәа  COSAC аконференциа аҽалархәара иадҳәаланы ашәҟәы рзиҩит.

Қырҭтәыла апарламент Европаҟны аинтеграциа акомитет ахантәаҩы  Леван Махашвили ишәҟәы  ақырҭуа аган COSAC аконференциашҟа рааҧхьара аҧырхагахара иадҳәалоуп.

„Қырҭтәыла, Евроеидгыла алаларазы акандидат астатус змоу атәыла аҳасабала, азакәан аиҳаӡареи, ауаажәларратә аиҿкаареи, атәылауаа рконституциатә зинқәа рыхьчареи иазгәыкуп. Қырҭтәыла имҩаҧысуа ахҭысқәа ирыдҳәаланы ҳгәаанагарақәа еиҧшымзаргьы ҟалап, аха,  COSAC аконференциа аиҟәшара акәымкәа, адиалог азы алшара бзиа ҳнаҭоит.

Насгьы, Польша еснагь Мрагыларатә партниорра иадгылан, уигьы азеиҧш хырҳагара зхылҵуа инициативоуп. Шәара ишәыдышәкылаз аӡбара угәы иалсратәы иҟоуп, ари аӡбара Мрагыларатә партниорразы анырра цәгьа аиур ауеит, Польша иамоу агеополитикатә аҧхьагылара иаҧырхагахоит.  Наҟ-наҟ ари аинцидент  COSAC аусураҿы апроблемақәа ахылҵыр ауеит, ҳусеицуреи  COSAC аинституциатә аҿиареи иаҧырхагахоит“, – иануп Қырҭтәыла апарламент Европаҟны аинтеграциа акомитет ахантәаҩы ишәҟәы аҟны.