2025 шықәса әхажәкыра 12   рзы имҩаҧгаз аилатәараҿы Қырҭтәыла Амилаҭтә банк амонетатә политиказы акомитет алахәылацәа амонетатә политика   азыҧҵәа 8,0% аҩаӡараҟны имҧсахкәа иаанрыжьит.

Ари атәы аарыцҳаит Амилаҭтә банк аҟынтә.

Абанк аҳәамҭа ишану ала,  2023 шықәса инаркны Қырҭтәыла аинфлиациа аҩазара хықәкылатәи арбага –   3% аасҭа илаҟәып.

«2025 шықәса жәабрантәи адыррақәа рыла,  ахәқәа шьҭыҵит 2,4%-ла.  Жәабраназ аинфлиациа арбага 3 наӡынак ираҟаран. Жәларбжьаратәи аџьармыкьақәа рҟынтә ақәыҕәҕәара афонаҿ2,4% аинфлиациа хәыҷы-хәыҷла хықәкылатәи арбага иазааигәахоит. Аха, аекономикатә азҳара аласра  рласӡаны иацлоит. Заанаҵтәи адыррақәа рыла, ажьырныҳәазы  11,1% аекномикатә азҳара иҟан.

Абри аҩыза атенденциақәа шыҟоугьы,  аҩныҵҟатәи агеополитикатәи ҭышәнымтәалара аекономикагьы ианыҧшуеит. Жәларбжьаратәи аџьармыкьақәа рҿы уажәтәи аҭагылазаашьа нагӡахар,  2025 шықәсазы аинфлиациа аҩаӡара хықәкылатәи адырга иазааигәахоит.  Аекономикатә азҳара арбага ахатә акыраамҭалатәи аҩаӡара – 5% иазыхынҳәеит.  Ари асценари иарбоуп Амилаҭтә банк азҧхьагәаҭаҿы.

Аекономика уажәтәи аҭагылазаашьа анализи азҧхьагәаҭаратә сценариқәеи рышьаҭала,  акомитет алахәылацәа,  азыҧҵәа имҧсахуа,   8% аҩаӡараҟны иаанрыжьырц рыӡбеит. Ашәарҭарақәа рмаҷхара иашьашәаланы,  азыҧҵәагьы хәыҷы-хәыҷла,  анеитралтә  7% аҩаӡаранӡа илаҟәхоит. Анеҩстәи аилатәараҿы амакроекономикатәи дыррақәа аинфлиациа азҳара ма амаҷхара аадырҧшыр,  акомитет иашьашәалоу ашьаҿақәа ҟанаҵоит.

Амонетатә политиказы акомитет анеҩстәи аилатәара мҩаҧгахоит  2025 шықәса лаҵара 7 рзы», – иануп Амилаҭтә банк аҳәамҭаҿы.