Португалиа иҟоу Қырҭтәыла ацҳаражәҳәаҩ Леван Цурцумиа Португалиа ахада Марсело  Ребелу де Соуза Агәрагаратә шәҟәқәа ииҭеит. Аофициалтә церемониа мҩаҧган апрезиденттә резиденциаҿы  — Амилаҭтә ахан  Белен аҿы.

Адәныҟатәи аусқәа рминистрра адыррақәа рыла,  Агәрагаратә шәҟәқәа аҭара ацеремониа ашьҭахь, Португалиа ахадеи Қырҭтәыла ацҳаражәҳәаҩи ҩ-ганктәи реиҧылара мҩаҧган. Ахада  Марсело Ребело де Соуза Қырҭтәыла ацҳаражәҳәаҩ ақәҿиарақәа изеиҕьеишьеит.

Қырҭтәыла ацҳаражәҳәаҩ ишьақәирҕәҕәеит Қырҭтәылеи Португалиеи рыбжьара аиҩызаратәи апартниортәи еизыҟазаашьақәа рырҭбаара дшазыхиоу.  Аиҧылараҿы ҩ-ганктәи аусеицура аперспективақәеи арегионаҿ аҭагылазаашьеи иалацәажәеит.

Португалиа ахада Агәргаратә шәҟәқәа иҭара аофициалтә церемониаҿы Қырҭтәылеи Португалиеи рхьыӡрашәақәа нагӡан.