«13 европатәи  атәылақәа рдәныҟатәи аусқәа рминистрцәа  ирзеилымкааит адемократиа – ажәлар ргәазыҳәара шакәу. Дара уажәгьы ирзеилымкааит  Қырҭтәыла аиҳабыра Бриуссельынтә ишықәыдмыргыло, ақырҭуа жәлар рхала аиҳабыра шалырхуа», — иҩит Венгриа адәныҟатәи аусқәеи ахәаахәҭреи рзы аминистр  Петер Сииарто асоциалтә аҳаҿы.

«Алибералцәа ргәаанагарала,  атәылаҿ алхрақәа раан алибералтә партиа аиааига агар,  убасҟан мацароуп адемократиа иҟоуп ҳәа ианыҧхьаӡатәу.  13ҩык адәныҟатәи аусқәа рминистрцәа ари атеориа шьақәдырҕәҕәеит,  абри ауп рыцҳарас иҟалаз.

Ҳара,  Венгриа,  14 шықәса ирылагӡаны аҳәаанырцәынтә иҳақәыҕәҕәоит. Аха,  Бриуссель аҭахрақәа рынагӡара акәӡам ҳасабтәс иҳамоу,  раҧхьа иргыланы,  ҳажәлар ргәазыҳәара наҳагӡароуп.

Қырҭтәыла аиҳабырагьы абасҵәҟьоуп ишыҟоу,  ҳара ҳаизыҟазаашьақәа рырҕәҕәареи евроинтеграциа арццакреи азыҳәан  наҟ-наҟгьы аусеицура наҳагӡоит. Ала ишуеит, акараван ԥхьаҟа ицоит!», — иҩит Питер Сииарто.

Иацы Евроеидгыла иалоу 13 ҳәынҭқарра рдәныҟатәи аусқәа рминистрцәа аҳәамҭа еицыҟарҵеит.