Қырҭтәыла апарламент ахантәаҩы Шьалуа Папуашвили иҳәамҭала, ҧасатәи Алада-Уаҧстәылатәи автономтә тәылаҿацә аҵакыраҿ еиҿкааз административ-территориатә ак администрациа иаҧыххоит.

Иара иажәақәа рыла, апарламенти аиҳабыреи, аконсульациақәа  мҩаҧганы, идырмазеиз азакәанҧҵаратә инициативақәа цәыргазаауеит абиуро иахьатәи аилатәараҿы. Папуашвили ишиҳәаз ала, апарламент иашьашәалоу аҧсахрақәа аднакылоит ашықәс анҵәамҭанӡа.

«Ҳуааҧсыра иргәаласырӡәар сҭахуп  2006 шықәсазы, апартиа  „Иаку амилаҭтә ҵысра“ аинициативала, Цхинвалтәи арегионаҿ азакәандаратә аилхрақәа мҩаҧганы,  „Аахыҵ Уаҧстәыла“  ахадеи альтернативтә аиҳабыреишалырхыз.  Убри ала, усҟантәи анапхгара, асепаратисттә процессқәа рлегитимациа иацхрааит, уи Қырҭтәыла аҳәынҭқарратә интересқәа рыҧсахроуп иаанаго.

Мызқәак рышьҭахь,  2007 шықәса рашәарамзазы, Аконституциа еилаганы, еиҿкаан  „аамҭалатәи административ-территориатә ак администрациа“, уигьы азакәандаратә  „альтернативтә аиҳабыра“ ашьаҭала иаҧҵан. Убри ала, иҧсабаратәымкәа еиҭашьақәыргылан  1990 шықәсазы иаҧыхыз Аахыҵ Уаҧстәыла автономтә тәылаҿацә административтә аҳәаа, абри зегьы аурыс агрессиеи  2008 шықәсазы Қырҭтәыла аҭоурыхтә регион  — Самачабло ампыҵахалареи зыхҟьаз афакторқәа иреиуп.

Иахьа лабҿаба иубарҭоуп абарҭ аӡбарақәа адәныҟатәи амчқәа ргеополитикатә         ахәмарра ишаҵанакуаз. Саакашвили имҩаҧигоз аполитика арегион аҿы аҭагылазаашьа аескалациеи, аҵыхәтәаны  — аибашьреи ахылҵит.

Қырҭтәыла апарламент адепутатцәа абарҭ афактқәа ирыхәаҧшуеит атәыла амилаҭтә интересқәа рыҧсахра аҳасабала, убри азоуп  „Иаку амилаҭтә ҵысра“ азакәандаратә мчыс азхаҵара аҳәарала Аконституциатә аӡбара ҳзадҵаалаз.  Қырҭтәыла азхаҵамра аполитика арҕәҕәара ианаҿыз аамҭазы,  „Амилаҭтә ҵысра“ арежим ала атермин  „Аахыҵ Уаҧстәыла“ ахархәара аханатәгьы Аконституциеи амилаҭтә интересқәеи реилагара акәын. Қырҭтәыла азинтәи аполиткиатәи қәыҧшылараҿы  „Аахыҵ Уаҧстәыла“ иҟам.

Убри аҟынтә, апарламенти аиҳабыреи еилацәажәаны,  „ Ҧастәи Алада-Уаҧстәылатәи автономтә тәылаҿацә аҵакыраҿ еиҿкааз административ-территориатә ак администрациа“ аҧыхразы аӡбара рыдыркылеит.

Иара убас, иаҵшьны иазгәаҭатәуп 2006 шықәсазы Аконституциа иашьашәаланы иалхыз амуниципалитетқәа Ахалгории, Куртеи, Тигвии, Аредвии   аусура шынарыгӡо. Арҭ амуниципалитетқәа Цхинвалтәи арегионаҿ   Қырҭтәыла аконституциатәи азинтәи система иаҵанакуа азакәантә мчы заҵәуп», — иҳәеит  Папуашвили.