«Мчыбжьқәак ҵуеит ҳпартиа алахәылацәа Магницки исиа ҿыц аиқәыршәара активла иалахәижьҭеи», — иҳәеит  «Амилаҭтә ҵысра» алахәыла  Петре Цискаришвили  Михаил Саакашвили  «Магницки исиа» автор Билл Браудер издәықәиҵаз ашәҟәы даналацәажәоз.

Цискаришвили иҳәамҭала,   «Амилаҭтә ҵысра» ахаҭарнакцәа Магницки исиа ҿыц аиқәыршәара апроцесс активла иалахәып.

«Михаила Саакашвили ашәҟәы иҩит,  Билл Браудер ирласӡаны уи иақәҿиҭит,   иара аҧышәа ду имоуп. Саакашвили диҳәеит асиа аиқәыршәара далагарц.  Ари азҵаара аус адааулоижьҭеи мчыбжьқәак ҵуеит. Ҳиуристцәа бзиоуп.  Билл Браудер ари асиа аиқәыршәаразы шықәсқәак иҭаххеит, ҳара мчыбжьқәак роуп иҳамоу», — иҳәеит  Цискаришвили.

Қырҭтәыла ҧасатәи ахада Михаил Саакашвили  «Магницки исиа» автор Билл Браудер ашәҟәы издәықәиҵан, аҭыҧантәи агәыҧқәа  «Магницки исиа» ҿыц аиқәыршәараҿы дрыцхраарц диҳәеит.  Билл Браудер Саакашвили ишиеиҳәаз ала,    «иара игәыҧ ашҳамреи аргәаҟреи зхароу ауаа рзы адокументқәа еиқәдыршәароуп, анеҩс, иара илшо зегьы ҟаиҵоит мраҭашәаратәи алидерцәа ари азҵаара хшыҩзышьҭра азырурц азыҳәан».