«Ақырҭуа  аган абжьагарқәа рынагӡаразы аҿҳәара маҷ шышьақәдыргылаз здыруеит, ари апроцесс инклиузивла,  аоппозициаа рҽалархәрала имҩаҧгахап ҳәа ҳгәыҕуеит, дара рызынтгьәы абри азеиҧш ҽазышәара иалахәызароуп», — иҳәеит Қырҭтәыла иҟоу Евроеидгыла ацҳаражәҳәаҩ  Павел Херчински.

Ацҳаражәҳәаҩ иазҵааит Қырҭтәыла Еврокомиссиа абжьагарақәа шынанагӡо.

Павел  Херчински иажәақәа рыла, абжьагарақәа рынагӡара алацәажәара заацәоуп.

«Апроцесс шымҩаҧысуа здыруеит. Қырҭтәыла апарламентаҿ аусура нарыгӡоит.   Ақырҭуа  аган абжьагарқәа рынагӡаразы аҿҳәара маҷ шышьақәдыргылаз здыруеит, ари апроцесс инклиузивла, аоппозициаа рҽалархәрала имҩаҧгахап ҳәа ҳгәыҕуеит, дара рызынтгьәы абри азеиҧш ҽазышәара иалахәызароуп. Зны, Еврокомиссиа, арҭбаара апакет аҳәаақәа ирҭагӡаны, ари апроцесс иадҳәаланы агәаанагара аанарҧшауеит, анеҩс, европатәи алидерцәа, анеҩстәи ашықәс анҵәамҭазы ари азҵаара иазыхынҳәуеит», — иҳәеит Херчински.