Қырҭтәыла иҟоу Евроеидгыла ацҳаражәҳәаҩ Павел Ҳерчински иҳәамҭала, иареи Швециа ацҳаражәҳәаҩи, Евроеидгыла иалоу  27 ҳәынҭқарра рыхьӡала, Михаил Саакашвили иус иадҳәаланы, аиустициа аминистр демарш иҭеит.

Герчински ишиҳәаз ала, аиустициа аминистр  аинформациа риҭеит Михаил Саакашвили изинқәа реиқәыршәаразы Қырҭтәыла аиҳабыра имҩаҧырго ауснагӡатәқәа ирызкны.

„Уажәазы Швециа Евроеидгылаҿ ахантәаҩра амоуп, убри аҟынтә, Швециа ацҳаражәҳәаҩи сареи, ҧасатәи ахада Михаил Саакашвили  идҳәаланы аиустициа аминистр аофициалтә демарш иаҳҭеит. Саакашвили игәабзиара аҭагылазаашьа ҳгәы ҧнажәоит. Евроеидгыла атәылақәа зегьы ари адемарш азы еиқәшаҳаҭхеит, уи аҵакы ду амоуп. Аиустициа аминистри ҳареи гәыкала ҳаиҿцәажәеит. Евроеидгыла апозициа иаҳҳәеит, аиустициа аминистр аинформациа ҳаиҭеит Михаил Саакашвили изинқәа реиқәыршәаразы Қырҭтәыла аиҳабыра имҩаҧырго ауснагӡатәқәа ирызкны.  Сара уаанӡагьы аиустициа аминистр сиҧылахьан. Ари адиалог инагӡоит. Аха, уажәазы, Евроеидгыла иалоу 27 ҳәынҭқаррақәа иззеиқәшаҳаҭхаз Евроеидгыла апозициа аиустициа аминистр исырдырырц исыҳәеит. Қырҭтәыла иаҳзааигәоу ҳпартниор ҳасабала ҳахәаҧшуеит, убри аҟынтә, Евроеидгыла ацҳаражәҳәаҩ иаҳасабала, сара атәыла анапхгаратә хаҿқәа рҟны еиҧҟьарада аимадара сымазароуп, агәра ганы сыҟазароуп ҳара азҵаарақәа зегьы гәаартыла ҳашрылацәажәо“, – иҳәеит Павел Ҳерчински.