Анаплакра маҷи абжьаратә наплакреи аганахьала Қырҭтәыла аҧхьагылара шамоу аазырҧшуа аҭҵаарақәа гәахәаала аҧара рзоуҳажьҭуеит, – иҳәеит Қырҭтәыла иҟоу Евроеидгыла ацҳаражәҳәаҩ Павел Ҳерчински.

Павел Ҳерчински Аекономикатә усеицуреи аҿиареи рзы аиҿкаара (OECD) имҩаҧнагаз аҭҵаарақәа  „Анаплакра маҷи абжьаратә наплакреи аполитика аиндекс  – 2024“  (SME Policy Index – 2024) аӡыргараҿы дыҟан. Аҭҵаарақәа инрықәыршәаны,  Қырҭтәыла,  Мрагыларатә партниорра атәылақәа рыгәҭа аҧхьагылара амоуп.

„Қырҭтәыла аилахәырақәа 99%  анаплакра маҷи абжьаратә наплакреи иаҵанакуеит, атәылаҿ аус зуа ауаа рҟынтәи  70% ари аусхкы аҿы аус руеит.  Абри аиндекс абзоурала, ҳара, Евроеидгыла,  анаплакра маҷи абжьаратә наплакреи еиҧҟьарада ацхраара ҳалшоит,“ – иҳәеит Павел Ҳерчински.

Ари аинформациа аланарҵәеит Аекономика аминистрра апрессмаҵзура.