«Иахьа ареалра ҿыц аҿы ҳааҧшит ҳәа сгәы иаанагоит. Кобахиӡе ииҳәаз ҳаҳаит, иара ишиҳәаз ала, Қырҭтәыла анеҩстәи ҧшьышықәса рыҩныҵҟа евроинтеграциа апроцесс анагӡара иазҿлымҳам. Ҳәарада, уи угәы иалсратәы иҟоуп. Аиашаз, сара даараӡа сгәы иалсит», – иҳәеит Қырҭтәыла иҟоу Евроеидгыла ацҳаражәҳәаҩ Павел Герчински.

Иара иажәақәа рыла, иацы иҟалаз ахҭыс ақырҭуаа реиҳара ргәазыҳәара аанарҧшуам.

«Ҩышықәса раҧхьа, Қырҭтәылаҟа санааиз, снапхгаҩы, Еврокомиссиа ахантәаҩы  Урсула фон дер Лаиен аргама илҳәеит: «Қырҭтәыла Евроеидгыла иатәуп. Қырҭтәыла ада Евроеидгыла ихарҭәаахом». Аҵыхәтәантәи ҩышықәса рыҩныҵҟа абарҭ ажәақәа гәызҭаҵагас иҳаман. Қырҭтәыла акандидат астатус аҳҭеит, иацы иҟалаз ахҭыс ақырҭуаа реиҳара ргәазыҳәара аанарҧшуам ҳәа сгәы иаанагоит. Ҳәарада, Қырҭтәыла  – ихьыҧшым ҳәынҭқарроуп.  Қырҭтәылоуп изыӡбаша евроинтеграциа анагӡара иаҭаху иаҭахыму», – иҳәеит  Герчински.