«Адипломатиатә уаажәларреи аҧыза-министри рыбжьара интенсивла агәаанаграқәа реиҭныҧсахлара аҵакы ду амоуп,  избанзар,  уажәы ахадаратә ҵакы змоу аамҭа ҳҭагылоуп», — иҳәеит Қырҭтәыла иҟоу Евроеидгыла ацҳаражәҳәаҩ  Павел Герчински.

Герчински иажәақәа рыла, иахьа, аҧыза-министр Иракли Ҕарибашвили иинициативала,   еиуеиҧшым атәылақәа рыцҳаражәҳәаҩцәа рҟны аиҧылара мҩаҧысуеит.

«Иахьа Қырҭтәыла аҧыза-министр ҳаиҧылоит. Ари аиҧылара мҩаҧысуеит аҧыза-министр иинициативала.  Адипломатиатә уаажәларреи аҧыза-министри рыбжьара интенсивла агәаанаграқәа реиҭныҧсахлара аҵакы ду амоуп ҳәа сгәы иаанагоит,  избанзар,  уажәы ахадаратә ҵакы змоу аамҭа ҳҭагылоуп. Жьҭааразы Еврокомиссиа аҳасабырба цәырнагоит, убри анеҩс, Евроеидгыла иалоу 27 аҳәынҭқаррақәа анеҩстәи ашьаҿақәа ирызкны аӡбара рыдыркылоит.

Ишыздыруа ала, иахьатәи аиҧыларахь ааҧхьара роуит Қырҭтәыла аус зуа ацҳаражәҳәаҩцәа зегьы. Шаҟаҩы аауа сыздырӡом. Ҳара еиҧҟьарада ҳаиҧылоит. Евроеидгылеи Қырҭтәылеи реизыҟазаашьақәа иаартны, гәаартыла ҳрылацәажәоит. Аиҧылара уаха имҩаҧысуеит», — иҳәеит  Павел Герчински.