2019 шықәса рашәара  20 иадҳәаланы азҵаарақәа ҳамоуп, аусеилыргара абзоурала цқьа еилаҳкаауеит имцхәны амч ахархәара иҟазу иҟамзу, насгьы уи зыхҟьаз, – иҳәеит аиустициа аминистр Паата Салиа.

Салиа ишиҳәаз ала,  рашәара 20 аус иаҳа еффективла аилыргара иазкны Страсбургтәи аӡбара ақәҵара иҟоуп.

„Рашәара 20 иҟалаз ахҭысқәа ирыдҳәаланы Страсбургтәи аӡбара ақәҵараҿы еилыкка иазгәаҭоуп аҳәынҭқарратә институтқәеи, ахыбрақәеи, насгьы аполициа ахаҭарнакцәеи рықәлараан аҳәынҭқарра амч ахархәара азин шамоу. Уи иаҵшьны иазгәаҭоуп, уи аҵакы ду амоуп ҳәа сгәы иаанагоит. Рашәара 20 рзы иҟалаз аконкреттә фактқәа ҳрылацәажәозар, Страсбургтәи аӡбара ақәҵара инақәыршәаны, аусеилыргара иаҳа еффективла имҩаҧгатәын. Ҳара ари агәаанагара ҳақәшаҳаҭуп. Ҳәарада, апарламент ахыбреи аполициеи егьырҭ аҳәынҭқарратә хыбрақәеи рықәлараан аҳәынҭқарра амч ахархәара азин шамоугьы, амч имцхәны ахархәара ҟаломызт. Убри аҟынтә, ҳаргьы зҵаарақәак ҳамоуп, аусеилыргара абзоурала цқьа еилаҳкаауеит имцхәны амч ахархәара иҟазу иҟамзу, насгьы уи зыхҟьаз“, – иҳәеит Паата Салиа.