ОБСЕ иалоу  17 ҳәынҭқаррақәа Қырҭтәыла ауаҩытәыҩса изинқәа рҭагылазаашьа иадҳәаланы азеиҧш аҳәамҭа аладырҵәеит.

ОБСЕ еснагьтәи ахеилак аилатәараҿы ари аҳәамҭа цәыригеит Нидерланды ахаҭарнак.

Аҳәамҭа рнапы аҵарҩит Нидерланды, Бельгиеи, Канадеи, Даниеи, Естониеи, Финлиандиеи, Франциеи, Германтәылеи, Литвеи, Лиетувеи, Лиуқсимбурги, Норвегиеи, Польшеи, Румынтәылеи, Швециеи, Иеиду аҳреи, Америкеи рхаҭарнакцәа.

„Ҳтәылақәа ҩажәеижәаба шықәса еиҳаны Қырҭтәылеи ақырҭуа жәлари рҟны апартниорра иазгәыкуп. Қырҭтәыла адемократиатә институтқәа рырҕәҕәареи, ақырҭуа економика арҿиареи, ақырҭуа хәыҷқәа рҵара аиҕьтәреи азыҳәан, Қырҭтәыла аиҳабыра аус рыцаауан. Ҳара, уажәгьы, Қырҭтәыла ахьыҧшымреи аҵакырадгьылтә акзаареи ҳадгылоит, аха, Қырҭтәыла ауааҧсыра ирҿагыланы  „Ақырҭуа гәахәтәы“ имҩаҧырго амчылара ҕәҕәеи агәымбылџьбареи иааҧҵәаны ҳақәыӡбоит.

„Ақырҭуа гәахәтәы“ анапхгара, ркритикцәа ҿырымҭырц азыҳәан, иахьагьы инарыгӡо арепрессиатә тактика ҳгәы ҧнажәоит.  ОБСЕ азеиҧш аҧхықәрақәа ирышьашәаланы, Қырҭтәылахь ааҧхьара ҟаҳҵоит азинхьчаратә органқәа рыла арепрессиатә амчыларатә тактика ахархәара иаҟәыҵырц. Иара убас, Қырҭтәылахь ааҧхьара ҟаҳҵоит адемонстрантцәеи, амедиа ахаҭарнакцәеи, аоппозиционерцәеи, закәандарала иаанкылоу егьырҭ ауааҧсыреи зыҧшра ҟамҵакәа иоурыжьҭырц. Закәандарала амч ахархәаразы аҭак зхыҧхықәу ауаа аҭакҧхықәра рықәҵатәуп.

ОБСЕ иалоу аҳәынҭқаррақәа раҳасабала, ҳара ОБСЕ аконтекст аҿы амеханизмқәа зегьы ҳрыхәаҧшуеит. Қырҭтәылахь ааҧхьара ҟаҳҵоит Евроеидгылахь аинтеграциа амҩа иазыхынҳәырц, избанзар ақырҭуаа реиҳара уи ауп ирҭаху. Ҳтәылақәа ақырҭуа жәлари урҭ рдемократиатәи ревроатлантикатәи ҽазышәарақәеи  ирыдгылоит. Ҳара Қырҭтәыла ахьыҧшымреи жәларбжьаратәи азхаҵара змоу аҳәаақәа ирҭагӡаны аҵакырадгьылтә акзаареи ҳадгылоит“, – иануп аҳәамҭаҿы.