Ақырҭуа оппозициеи арадикалтә активистцәеи Евроеидгылеи Америкеи рфондқәа рҟынтә аҧара роуеит, ареволиуциа аиҿкаара аҽазкрақәа зегьы аҳәаанырцәтәи адонортә аиҿкаарақәа рҟынтә аҧара рзоушьҭуп, — илҩит  «Ақырҭуа гәахәтәы» алахәыла Нино Ҵилосани асоциалтә аҳаҿы.

Лара лажәақәа рыла, Евроеидгыла егьырҭ атәылақәа рсуверинитет пату ақәҵара ианалагаша аамҭа ааит.

«Шықәсык еиҳаны иҵуеит ҳара аҳәаанырцәынтә аҽалагалара ҳалацәажәоижьҭеит.  Уажәы аартызаара иазку азакәан Америкагьы актуалтә ҵакы амоуп, ҳара ҳганахьала аполитикатә жәылара мҩаҧган, аха, ҳара уи ҳхаагеит. Иахьа арадикалтә оппозициеи аҳәынҭқарра иаҿагыло аполитикатә партиақәеи  Қарҭ алаларҭаҿ амагистраль хада аркра амзызла акциа мҩаҧыргоит. Иарбанзаалак аҳәынҭқарраҿы абри аҩыза ахымҩаҧгашьа ацәгьаурас иҧхьаӡоуп, ҳәарада, Қырҭтәыла азакәанқәагьы инрықәыршәаны уи ацәгьауроуп. Америка ахада ҿыц афинансыркра асистема аиҭахәаҧшразы аконкреттә шьаҿақәа ҟаиҵоит, Евроеидгылагьы егьырҭ аҳәынҭқаррақәа рсуверинитет пату ақәҵара ианалагаша аамҭа ааит», — илҩит Ҵилосани.