Сара Франциа Сенат аделегациа  алахәылацәеи швеицариатәи апарламент жәларбжьаратәи еизыҟазаашьақәа рзы акомитет ахантәаҩы Лорен Верлии сырҧылеи. Афранцыз делегациа санырҧылоз Қырҭтәылеи Евроеидгылеи реизыҟазаашьақәа ҳрылацәажәеит, – иҳәеит Қырҭтәыла апарламент адәныҟатәи аимадарақәа рзы акомитет ахантәаҩы Николоз Самхараӡе, иара Апарламентбжьаратә еидгыла 150-тәи асессиа далахәып.

Самхараӡе иажәақәа рыла, франциатәи аган ахаҭарнакәа иаҵшьны иазгәараҭеит уажәтәи апроцессқәа, аибашьра азҵаарагьы, Евроеидгыла арҭбаареи акандидат-тәылақәа рҟны аиҿцәажәарақәеи  ишырҧырхагахаз, избанзар, егьырҭ азҵаарақәа рацәа аҧыжәара роуит.

«Франциатәи ҳколлегацәа ҳрықәшаҳаҭуп, уажәазы Украинеи ашәарҭадареи азҵаарақәа иаҳа аҧыжәара рымоуп  2030 шықәсанӡа имҩаҧысраны иҟоу арҭбаара апроцесс аасҭа. Иара убас, ишазгәаҭаз ала, Евроеидгыла Қырҭтәыла евроинтеграциа ахырхарҭала ашьаҿақәа ҟанаҵар аҭахуп. Егьи аганахьала, сара афранцыз напхгара срыҳәеит Қырҭтәыла агеополитикатә ҭагылазаашьа цқьа иҭырҵаарц. Сара иаартны ирасҳәеит Қырҭтәыла Естониа еиҧш ахы зымҩаҧнагом ҳәа, ҳара НАТОгьы ҳалам Евроеидгылагьы ҳалам, урыстәылатәи ар 35 километр рыла ҳпарламент иацәыхараны игылоуп. Ҳара ашәарҭадара агарантиақәа ҳамам, аекономикатә адгылара ҳазыҧшым. Убри аҟынтә, Франциа, евроинтеграциеи ҩ-ганктәи аизыҟазаашьақәеи ианрылацәажәо,  ари аҭагылазаашьа иазҧхьагәанаҭароуп», — иҳәеит Самхараӡе.