Апарламент адәныҟатәи еизыҟазаашьақәа ркомитет ахантәаҩы Николоз Самхараӡе иҟаиҵаз аҳәамҭала, Қырҭтәыла апарламент аделегациа иахьа Мальтаҿ авизит алагоит, авизит аҳәаақәа ирҭагӡаны арекомендациақәа рынагӡара амҩан Қырҭтәыла амоу апрогресс иахцәажәоит.

Самхараӡе иажәақәа рыла, авизит ашьҭахь Мальта Қырҭтәыла астатус анашьара аус аҿы зегь реиҳа иӷәӷәоу адгылаҩс ҟалап ҳәа дгәыӷуеит. Николоз Самахараӡе ишазгәеиҭаз, ԥхынҷкәын анҵәамҭанӡа Европа аҳҭнықалақьқәа ҳарҭааны, ррекомендациақәа рынагӡара амҩан иҟоу апрогресс рзаадырԥшуеит.

„Ԥхынҷкәын анҵәамҭанӡа Европа аҳҭнықалақьқәа ҳарҭааны, ррекомендациақәа рынагӡара амҩан иҳамаз апрогресс рзааҳарԥшуеит. Аҳҭнықалақь цыԥхьаӡа адгылара ҳара ҳзы ихадароуп, 27 тәылақәа Қырҭтәыла акандидат статус анашьара иадҳәаланы иӷәӷәоу апозициа рымазароуп“, – иҳәеит Самхараӡе.