«Аиҳабырабжьаратә комиссиа 13-тәи аилатәара анымҩаҧысыз, ажьырныҳәа  6 анеҩс, ҳара ҩ-ганктәи аизыҟазаашьақәа рырҭбаара иазку амбициатә планқәа рынагӡаразы  адекларациа ҳнапы аҵааҩит», — иҳәеит Никол Ҧашиниан Қырҭтәыла аҧыза-министр Иракли Кобахиӡеи иареи еицымҩаҧыргаз абрифинг аҿы.

Никол Ҧашиниан иажәақәа рыла, Шәамахьтәыла еснагь Қырҭтәыла европатәи аинтеграциа иадгылан.

«Аҩ-тәылак рхьыҧшымреи аҵакырадгьылтә акзаареи иазхаҵоуп, уи аҵакы ду амоуп.  Иара убас, ҳара ҳтәылқәа иаҳа активла русеицура ҳалацәажәеит.  Уи астратегиатә аҵакы ду амоуп, аха, уи адагьы,  ҩ-ганктәи ҳусеицура аҭышәынтәалареи аилибакаареи ашьаҭала аҿиара иаҿуп.  Ҵыҧх Қырҭтәыла Евроеидгыла алаларазы акандидат астатус аиуит, сара ари афакт сазыразуп.  Уи аҵакы ду амоуп, избанзар,  ари афакт ҳрегион азы анырра ду амазаауеит, уи адагьы, ҩ-ганктәи ҳаизыҟазаашьақәагьы ирныҧшуеит.  Шәамахьтәылатәи ареспублика еснагь Қырҭтәыла европатәи аинтеграциа иадгылан», — иҳәеит  Никол Ҧашиниан.