Никол Ҧашиниан – Қырҭтәылеи ҳареи астратегиатә партниорра ҳабжьоуп, уи аперспектива ҿыцқәеи аҿиаразы апотенциали ҳзаанартуеит
Никол Ҧашиниан – Қырҭтәылеи ҳареи астратегиатә партниорра ҳабжьоуп, уи аперспектива ҿыцқәеи аҿиаразы апотенциали ҳзаанартуеит

«Абаланс зызу Шәамахьтәыла адәныҟатәи аполитика акульминациатә кәаҧ аҟынӡа инеиуеит», — иҩит Шәамахьтәыла аҧыза-министр Никол Ҧашиниан асоциалтә аҳаҿы.

Шәамахьтәыла аиҳабыра рнапхгаҩы агәылара иҟоу атәылақәеи егьырҭ адунеитә тәылақәеи рҟны аизыҟазаашьақәа рырҿиара далацәажәеит.

«Ирани ҳареи ҳаизыҟазаашьақәа азеиҧш интересқәа рышьаҭала ишьақәгылеит, уи аусеицуреи иҭышәынтәалоу аизыҟазаашьақәеи рзы ашьаҭа ҕәҕәа ҳнаҭоит.

Қырҭтәылеи ҳареи астратегиатә партниорра ҳабжьоуп, уи аперспектива ҿыцқәеи аҿиаразы апотенциали ҳзаанартуеит.

Ҭырқәтәылеи ҳареи ҳабжьара аилибакаара абаза аҧҵоуп.

Азербаиџьантәи ареспублика ҳалацәажәозар, Шәамахьтәыла азҵаарақәа зегьы ирыдҳәаланы аконструктивтә аӡбарақәа рыднагалеит. Ажәалагалақәа рыҟаҵара акәымкәа, аӡбарақәа рыдаагалеит.  Убри аҟынтә, арегионаҿ аескалациа аиҿкаара аҽазкра алегитимреи ашьаҭеи  амам, арегионаҿ аескалациа зыҟалом.

Урыстәылеи ҳареи ҳаизыҟазаашьақәа апрактикатә ҟазшьа рымоуп, ҳара арҭ аизыҟазаашьақәа аҩ-ганк ирзыфеидоу аусеицуреи асуверинитети апринципла рырҿиара ҳазҿлымҳауп.

Франциеи ҳареи ҳаиҩызара иаҳа иҕәҕәахеит.

Евроеидгылеи ҳареи ҳаизыҟазаашьақәа зеиҧшҟамлац ала иҕәҕәахеит, уи Бриуссельгьы иазгәарҭеит.

Америкеи ҳареи ҳабжьара астратегиатә партниорра иалагоит.

Индиеи ҳареи ҳаизыҟазаашьақәа аҵакы ҿыц роуит.

Китаии ҳареи ҳаизыҟазаашьақәа аҿиара иаҿуп.

Ааигәатә Мрагылараҿы апартниорразы алшара ҿыцқәа цәырҵит.

Абри зегьы абзоурала, Шәамахьтәыла, ахатә хьыҧшымреи, асуверинитети, аҳәынҭқаррареи ахьчара алшоит», — иҳәеит  Никол Ҧашиниан.