New York Times адыррала,  Трамп иадминистрациа «Америка абжьы» аҳәаанырцәтәи абиуроқәеи арадиостанциақәеи адыркуеит. Знырра дуу америкатә ҭыжьымҭа ишану ала,  Трамп абри иӡбара мшаҧы азы афедералтә аӡбаҩ идикылаз ақәҵара иашьашәалам,  ақәҵара инақәыршәаны,    «Америка абжьы» аусура еиҭалагароуп.

 The New York Times аинформациа ишану ала, Трамп иадминистрациа «Америка абжьы» абиуроқәа адыркуеит  Индонезиеи, Пакистани, Кениеи,   Чехиеи.

Трамп иадминистрациаҿы Аглобалтә медиа агентра анапхгаҩы Керри Леик лҳәамҭала, аҳәаанырцәтәи абиуроқәа раркра ажурналистцәа русура иаҧырхагахом,  аха,  ари ашьаҿа абзоурала,  аҳәынҭқарра  америкатә ашәахтәшәаҩцәа иртәу 30 миллион адоллар еиҳаны аиҷаҳара алшоит.

Аҭыжьымҭа адыррақәа рыла,  аҳәаанырцәтәи абиуроқәа раркра иақәшаҳаҭым   «Америка абжьы» аусзуҩцәа Трамп иадминистрациа аӡбарҭаҿ иазашшуеит.