НАТО асаммит ашьҭахь аларҵәара зауз аихшьаалатә документ аҿы иаҵшьны иазгәаҭоуп алианс Қырҭтәылеи, Украинеи, Молдовеи рҵакырадгьылтә акзаара ишадгыло.

Иара убас, адокумент аҿы, алианс алахәылацәа Урыстәылахь ааҧхьара ҟарҵеит Аҧсни Аахыҵ Уаҧстәылеи арегионқәа рхьыҧшымра азхаҵара иазку аӡбара аҧыхреи, амца аанкылара иазку аиқәшаҳаҭра анагӡареи азы.

«Ҳара Қырҭтәылеи,   Украинеи,   Молдовеи рҵакырадгьылтә акзаара ҳадгылоит. Жәларбжьаратәи аҧхықәрақәа инрықәыршәаны,  Урыстәылахь ааҧхьара ҟаҳҵоит абарҭ атәылақәа рыхҧагьы рҟынтә аурыс  арбџьармчқәа алыргарц.

Урыстәылахь ааҧхьаара ҟаҳҵоит Аҧсни Аахыҵ Уаҧстәылеи арегионқәа рхьыҧшымра азхаҵара иазку аӡбара аҧырырхырц, амца аанкылара иазку аиқәшаҳаҭра нагӡаны, абарҭ арегионқәа рмилитаризациеи, закәандарала ауаа раанкылареи, Қырҭтәыла ауааҧсыра рзинқәа рыларҟәреи иаҟәыҵырц. Ҳара даҽазнык ишьақәҳарҕәҕәоит Женеватәи жәларбжьаратәи аиҿцәажәарақәа ҳашрыдгыло», — иануп НАТО акоммиунике аҿы.