Нато аӷбақәа Қырҭтәыла аӡымҽхакырахь иҭалеит. Қырҭтәыла аҩнуҵҟатәи аусқәа рминистра иаҵанакуа аҳәаахьчаратә полициа аҟәарахьчаратә департамент аԥшәымара зызуа Нато аӷбақәа (SNMCMG2) иреиуоуп: Испаниатәи афлагман, Италиатәии Болгариатәии Румыниатәии Ҭырқәтәылатәии арратә ӷбақәа. Агәыԥ дахагылоуп акаԥдан Хавиер Нанез де Прадо. Ари атәы аарыцҳаит Қырҭтәыла аҩнуҵҟатәи аусқәа рминистра аҟынтә.
Нато аӷбақәа (SNMCMG2) рвизит шьақәнарӷәӷәоит Аҩада Атлантикатә алианс Қырҭтәыла Нато алалара шадгыло.
Авизит аҳәаақәа ирҭагӡаны, Қырҭтәыла аҟәарахьчаратә департаменти асасцәеи Амшын Еиқәаҿ имҩаԥысуа азыҟаҵарақәархы аладырхәоит.
Нато арратә ӷбақәа Қырҭтәыла апортқәа рахь лассы-лассы ирҭаауеит, арҭ авизитқәа рыла иубарҭоуп Амшын Еиқәа ашәарҭадара аганахьала, Натои Қырҭтәылеи русеицура алҵшәақәа. Қырҭтәылаҿ 2021 шықәсазы ари Нато аӷбақәа аҩбатәи рвизитуп.
