«Уахынлатәи асеренадақәа» 15-тәи афестиваль мҩаҧысуеит нанҳәа 22 инаркны  цәыббра 24-нӡа. Афестиваль ишьаҭалкит адунеи еицырдыруа аскрипкарҳәаҩи адирижиори Лиана Исакаӡе.

Борџьоми, Баҭыми, Қарҭи мызкала  6 концертк мҩаҧысуеит.

Сынтәа афестиваль рхы аладырхәоит еицырдыруа  ақырҭуеи аҳәаанырцәтәи амузыкантцәеи   агәырҵҟәыл ду змоу иқәыҧшу анагӡаҩцәеи.

Афестиваль аадыртуеит нанҳәа 22 рзы Борџьоми имҩаҧысуа Гала-концертла. Нанҳәа 24-и 25-и рзы аконцертқәа мҩаҧысуеит Баҭымтәи адраматә театр аҿы. Егьырҭ 3 концертк Қарҭ имҩаҧысуеит, Қарҭтәи аконсерваториа азал ду аҿы.

Афестиваль аҳәаақәа ирҭагӡаны имҩаҧысуеит мастер-классқәеи иаарту алекциақәеи.

Жәларбжьаратәи афестиваль «Уахынлатәи асеренадақәа»   41 шықәсатәи аҭоурых амоуп.   Афестиваль ашьаҭаркра аидеиа илтәуп   адунеи еицырдыруа аскрипкарҳәаҩи адирижиори Лиана Исакаӡе.

2018 шықәса инаркны афестиваль асахьаркыратә напхгаҩыс дыҟоуп Лиана Исакаӡе лашьаиҧа   – амузыканти арҵаҩи, Ингольштадтәии Миунхентәии амузыкатә академиеи ашколи ашьаҭаркҩи адиректори Гьаргь Исакаӡе.