Европарламент арезолиуциа антиевропатәи амчқәа рзы ҳамҭоуп, сколлега ишиҳәаз еиҧш,  арҭ адебатқәа адемократиа шьҭахьҟа ацара иазкуп, аха, ари арезолиуциаҿы 13-нтә алхрақәа рыӡбахә ҳәоуп, абри аҩыза аҭагылазаашьаҿы Европарламент анаҧшратә миссиа ахаҭарнакцәа Қырҭтәылаҟа ианнеилак, аобиективтә, анеитралтә ган еиҧш ирыхәаҧшыр ҟалома, – иҳәеит Европарламент аиспан алахәыла Начо Санчес.

Европарламентаҿ имҩаҧгаз адебатқәа раан Санчес ишиҳәаз ала, Қырҭтәыла иазку арезолиуциа мызкы ашьҭахьгьы адкылара ҟалон.

„Аполитика – аҵакы мацара акәӡам, араҟа аамҭагьы иаҵанакәа рацәоуп, абарҭ ахҭысқәа зегьы ианымҩаҧысуа аамҭа. Абри арезолиуциагьы уаанӡа Молдова иазкны иҳадаҳкылаз арезолиуциагьы ҳрыхәаҧшуан абарҭ атәылақәа рҿы алхрақәа рҟнынӡа мышәқак шагыз, уи иаамҭамкәа иҟаҳҵеит. Европарламент алхрақәа мҩаҧысраны иахьыҟаз атәылақәа ахаангьы ирыхцәажәомызт, избанзар Европарламент алхрақәа рҽалагалара ахарарҵар ауан. Зыӡбахәы ҳәоу арезолиуциа аҵакы ииашазаргьы, ҳара уи ҳақәшаҳаҭзаргьы, Қырҭтәыла аиҳабыреи Урыстәылеи уи рхы иадырхәоит Европа Қырҭтәылатәи алхрақәа рҽалагалара ахарарҵарц азыҳәан.  Ари арезолиуциа антиевропатәи амчқәа рзы ҳамҭоуп, сколлега ишиҳәаз еиҧш,  арҭ адебатқәа адемократиа шьҭахьҟа ацара иазкуп, аха, ари арезолиуциаҿы 13-нтә алхрақәа рыӡбахә ҳәоуп, абри аҩыза аҭагылазаашьаҿы Европарламент анаҧшратә миссиа ахаҭарнакцәа Қырҭтәылаҟа ианнеилак, аобиективтә, анеитралтә ган еиҧш ирыхәаҧшыр ҟалома. Анаҧшцәа ирҧеиҧшхои, арҭ атәылақәа рҿы анеитралтә ганс ирыхәаҧшуама? Сара уи хасҵом. Ҳара алҵшәак ауп иҳауа, Евроеидгылеи ҳнаҧшцәеи рыхьӡ ҧхасҭаҳтәоит, алхрақәа рҽалагалара ҳхарарҵар ауеит.  Ҳара мызкы ҳааҧшыр ҳалшон, мызкы ашьҭахь, ҳхы абри аҩыза ашәарҭара иҭамыргылакәа,  абри арезолиуциа ҳадаҳкылар ауан“, – иҳәеит Санчес.