«Ари адырга бзиоуп ҳәа сгәы иаанагоит, избанзар, Қырҭтәыла зҵакы дуу аамҭа иҭагылоуп», — иҳәеит  Мрагыларатә партниорра азҵаарақәа рзы Евроеидгыла ахаҭарнак ҷыд  Дирк Шубель  Иракли Ҕарибашвили даниҧылоз.

Аиҧылараҿы Шубель ишиҳәаз ала, ҳаҧхьаҟа Украинеи, Молдовеи, Қырҭтәылеи Мрагыларатә партниорра аҟынтә ахырҳагара ду роур рылшоит. Иара ишазгәеиҭаз ала, Евроеидгыла Қырҭтәыла иадгылоит.

«Шәара ишышәҳәаз еиҧш, аҳасабырба цәырыргоит ҩымш рышьҭахь. Сара уи сахцәажом, уи Бриуссель иҟоу ҳколлегацәа ирусуп.  Дара аҳасабырба ацәыргаранӡа аҵыхәтәантәи аусура мҩаҧыргоит.  Ҳара агәра ганы ҳаҟоуп ҳаҧхьаҟа Украинеи, Молдовеи, Қырҭтәылеи Мрагыларатә партниорра аҟынтә ахырҳагара ду роур шрылшо.  Ари апартниорра хәыҷык аҽаҧсахит. Аҵыхәтәантәи шықәсыки жбаки ҳара иаҳа имаҷыз, аха, иаҳа зҵакы дуу азҵаарақәа ҳрыхәаҧшуан.  Арҭ азҵаарақәа иреиуп шәара шәзы аҧыжәара змоу ахырхарҭақәагьы –  аимадареи ашәарҭадареи. Ҳара ари ахырхарҭала еицыҟаҳҵаз рацәоуп.  Апотенциал ду ҳамоуп, уи аарҧшреи ахархәареи ауп ҳвизит хықәкыс иамоу. Ҳәарада, ари авизитла Қырҭтәыла адгылара азааҳарҧшыр ҳҭахуп.  Зҵакы дуу абри аамҭазы Евроеидгыла Қырҭтәыла иадгылоит. Ҳара агәра ганы ҳаҟоуп ҳаҧхьаҟа ари атәыла Евроеидгыла алахәылас ишыҟало», — иҳәеит  Шубель.