«Ҳара Қырҭтәылеи, Молдовеи, Украинеи рҟны ассоциациа иазку аиқәшаҳаҭреи зхы иақәиҭу ахәаахәҭратә қәыҧшылара иазку аиқәшаҳаҭреи  инаӡаны анагӡара ҳақәшаҳаҭуп», —  иануп Мрагыларатә партниорра  6-тәи асаммит адекларациаҿы.

«Евроеидгыла иазханаҵоит Ассоциациатә трио, Қырҭтәылеи, Молдовеи, Украинеи Евроеидгылаҟны аусеицура арҕәҕәара иазкны ицәырыргаз аинициатива. Уажәазы иҟоу апрогресс иазҧхьагәаҭаны, ассоциациа ала иазҧхьагәаҭоу ареформақәа ирызку адискуссиақәа рҳәаақәа ирҭагӡаны, Ассоциациа иазку аиқәшаҳаҭреи зхы иақәиҭу ахәаахәҭратә қәыҧшылара иазку аиқәшаҳаҭреи аимплементациа наӡа амзызла, Евроеидгыла алахәылацәа, асектортә усеицура арҭбааразы иҟоу алшарақәа ҭырҵаауеит.

Ҳара, ахәаахәҭра-економикатә интеграциеи, аинфестициақәеи афинансқәеи, атранспорттә аимадара арҭбаареи  ала,  аекономикатә ҭышәынтәалара аиқәыршәара ҳахшыҩ азаҳшьҭуеит. Евроеидгылеи апартниорцәеи, Шәамахьтәылеи, Қырҭтәылеи, Молдовеи, Украинеи   Horizon Europe аҟны рассоциациа иақәшаҳаҭуп. Евроеидгылеи апартниорцәеи Аладатәи агазтә корридор апроект ахыркәшара иадгылоит, уи Евроеидгыла  атәылақәа агаз ала реиқәыршәара иацхраауеит», — иануп Мрагыларатә партниорра асаммит адекларациаҿы.

Евроеидгыла ассоциациатә тәылақәа ирыцхраауеит  COVID-19 аҿагылара апроцесс аҿы.  Аоперативтә цхыраара  апакет аҳәаақәа ирҭагӡаны,  2020 шықәса инаркны, ари аус иазоушьҭын  2,5 млрд евро еиҳаны, Евроеидгылеи уи алахәылацәеи ассоциациатә тәылақәа зегьы апандемиа аҿагылараҿы ирыцхраауеит.

Иара убас, адекларациа ишану ала,  аҵара ареформа астратегиатә ҵакы анашьоуп. Адокумент ишану ала, Қырҭтәылаҿ  Мрагылааратә партниорра европатәи ашкол апроект адгылара амазаауеит.