Ҳара Қырҭтәылеи ақырҭуа жәлари рҩызцәа ҳауп, Қырҭтәыла аҭыԥ Европа агәҭаны ауп ахьыҟоу, убри аҟынтә Қырҭтәыла Евроеидгылашҟа ицо амҩаҿ ҳадгылоит, – иҳәеит Қарҭ визитла иҟоу Германтәылатәи Афедеративтә Ареспублика Бундестаг адәныҟатәи аусқәа рзы акомитет ахантәаҩы Михаель Рот аоппозициаа рҟны аиԥылара ашьҭахь.

Германтәылатәи Афедеративтә Ареспублика Бундестаг адәныҟатәи аусқәа рзы акомитет ахантәаҩы иажәақәа рыла, Қырҭтәыла аиҳабыра рахь ааҩԥхьара ҟаиҵоит азакәанпроект мап ацәыркырц. Рот ишазгәеиҭаз ала, аиҳабыра ари азакәан мап ацәнамкыр, Қырҭтәыла аԥеиԥш лаша ашанс амаӡам.

Қарҭ визитла иҟоу Германтәылатәи Афедеративтә Ареспублика Бундестаг адәныҟатәи аусқәа рзы акомитет ахантәаҩы ажурналистцәа ишраиҳәаз ала, ари азакәан рыдыркылар, “Евроеидгыла алаларазы аиҿцәажәарақәа ралагара ашансгьы иҟам.  “Евроеидгыла иџьбароу ашьҭымҭа ҟанаҵеит”, – иҳәеит Рот.