Америка Кремль изыдгыло  «Атәым анырра аартызаара иазку» азакәан Қырҭтәыла апарламент ала  адкылареи ари азакәан ахьчаразы  аинформациа ҧаршеи аларҵәареи иақәыӡбоит», — иануп Америка Аҳәынҭқарратә департамент аофициалтә хаҭарнак  Меттиу  Миллер иҳәамҭаҿы, ари аҳәамҭа кьыҧхьуп Аҳәынҭқарратә департамент асаит аҿы.

«Анапхгаратә партиа алахәылацәа иаартны ирҳәеит ари азакәан хықәкык шамоу  — акритикатә бжьы ахәаҽреи Қырҭтәыла активтә атәылауаҩратә уаажәларра ақәхреи.  Иарбанзаалак адемократиатә ҳәынҭқарраҿы   атәылауаҩратә уаажәларра аиҳабыра рзы акритикатә аанкыларатә факторуп.   Ари азакәани  «Ақырҭуа гәахәтәы»  алидерцәа мраҭашәара иаҿагыланы иҟарҵо аҳәамҭақәеи рымшала Қырҭтәыла ишәарҭоу амҩа ианылоит. Қырҭтәыла аиҳабыра иҟарҵо аҳәамҭақәеи роуранагӡареи  Евроеидгылеи НАТОи шьаҭас ирымоу адемократиатә принципқәа ирышьашәалам ари азакәани  «Ақырҭуа гәахәтәы»  алидерцәа мраҭашәара иаҿагыланы иҟарҵо аҳәамҭақәеи рымшала  Қырҭтәыла ишәарҭоу амҩа ианылоит, Қырҭтәыла евроатлантикатә интеграциа ашәарҭара иҭагылеит.

Зыӡбахәы ҳәоу аҳәамҭақәа  Қырҭтәыла аекономика арҕәҕәареи, адемократиа аҿиареи, урыстәылатәи агрессиа аҟынтәи атәыла ахьчареи азыҳәан  32 шықәса рыҩныҵҟа ҳара  Қырҭтәыла  иазааҳарҧшуаз адгылареи ацхыраареи ииашамкәа иаадырҧшуеит. Зыӡбахәы ҳәоу адгылареи ацхыраареи рылагьы иубарҭоуп ҳара  атәыла аиҳабыреи ақырҭуа жәлари рҟны  иҕәҕәоу аизыҟазаашьақәа шышьақәҳаргылаз», — иҳәеит  Миллер.

Аҳәынҭқарратә департамент ахаҭарнак иаҵшьны иазгәеиҭеит  иара ақырҭуа жәлар дышрыдгыло, аҭынчратә аизареи ажәа ахақәиҭреи ахәаҽразы амч ахархәара шыҟамло.