Аконституциатә аӡбарҭа ахантәаҩы  Мераб Турава иҳәамҭала,  Алхрақәа ирыдҳәалоу аконституциатә ашшыҧхьыӡқәа рыхәаҧшразы мызкы аҿҳәара иҟоуп, аха, асессиа ааҧхьара иазку азҵаара рмоуӡацт.

Иара иажәақәа рыла,  алхрақәа ирыдҳәаланы Аконституциатә аӡбарҭа аамҭакала 2 ашшыҧхьыӡк алаҵан, убри аҟынтә, рыҩбагьы аамҭакала ирыхәаҧшуеит.

Мераб Турава ишазгәеиҭаз ала, арҭ ашшыҧхьыӡқәа ирццаку арежимаҿ рыхәаҧшра ахымҧадара иҟам, избанзар, ари азҵаара, уезгьы, азакәанҧҵарала ирласу аҧҟарала еиҿкаауп.

«Иахьа шьыбжьашьҭахь ҳаизоит, абарҭ ашшыҧхьыӡқәа рыхәаҧшразы аҿҳәара ҳәаақәаҳҵоит. Ари аҿҳәара мызкык еиҳамзароуп. Иахьа инаркны арҭ ашшыҧхьыӡқәа рзы аусура ҳалагоит. Актәи аетап ашьҭахь адокумент аргама ицәыраагоит. Араҟа ирццаку аҵасла ахәаҧшра ахымҧадара иҟам, избанзар, уи азакәанҧҵарала иазҧхьагәаҭоуп. Апарламент аилатәара шәалацәажәозар, ари азҵаара ҳмоуӡацт», — иҳәеит  Турава.