Адунеи атәылақәак иреиҧшымкәа, Америка адемократиатә принципла иалху аиҳабыра роуп аполитикатә аӡбарақәа здызкыло, уаҳа аӡәгьы, – иҳәеит Аҳәынҭқарратә департамент аспикер Меҭиу Миллер, иара америкатә санкциақәа ирыдҳәаланы Қырҭтәыла аҧыза-министр иҟаиҵаз аҳәамҭа дахцәажәеит.

Ажурналист Руса Шелиа Миллер диазҵааит Қырҭтәыла аиҳабыра рнапхгаҩы иҟаиҵаз аҳәамҭа иазкны. Иацы Иракли Кобахиӡе ишиҳәаз ала,  „Аҳәынҭқарратә департамент акәӡам асанкциақәа рыдкылара зхароу, уи рхароуп Америка аофициалтә институтқәа рзы анырра ду змоу аолигархиатә мчқәа“. Ажурналист лызҵаара Иракли Кобахиӡеи Америка ацҳаражәҳәаҩи реиҧылара ашьҭахь Қырҭтәыла аиҳабыра радминистрациа иаланарҵәаз аинформациа  иазкын, уаҟа ишану ала, аиҧылараҿы Иракли Кобахиӡе иҳәеит асанкциақәа рышьақәыргылара ала „америкатә аган акритикатә аҳәаа иазааигәахеит“ ҳәа.

„Сара ари аҳәамҭа сахцәажәом. Акоуп исҳәар исҭаху. Адунеи атәылақәак иреиҧшымкәа, Америка адемократиатә принципла иалху аиҳабыра роуп аполитикатә аӡбарақәа здызкыло, уаҳа аӡәгьы“, – иҳәеит Меҭиу Миллер.