Ахәыҷтәы Евровизиа 2022 аҿы иреиӷьу хҩык ашәаҳәаҩцәа дреиуоуп Қырҭтәыла ахаҭарнак Мариам Бигвавеи Қырҭтәыла аделегациеи Шәамахьтәылантә ихынҳәит. Қырҭтәыла Актәи аканал ахыбраҿ Мариам Бигвава апроект “Ранина” алахәылацәеи ателехәаԥшра аусуҩцәеи дылԥылеит.

Қырҭтәыла Актәи аканал адиректор хада Ҭинаҭин Берӡенишвили лажәақәа рыла, Мариам Бигвава ахәыҷтәы Евровизиаҿ егьырҭ ашәаҳәаҩцәа аконкуренциа ӷәӷәа аарԥшра лылшеит.

“Мариам абри еиԥш аԥылара лықәнгоит. “Ранина” алахәылацәа абра ахьыҟоу аҵак ду амоуп. Ахәыҷқәа акоммуна хәыҷ шьаҭаркит, урҭ еидызкыло ҳаамҭазтәи ақырҭуа ашәақәеи амузика бзиеи, абзиабареи роуп.

Аиааира агара ҳҭахын, ари егьҳалшоит. Аха, ахԥатәи аҭыԥгьы ҳара ҳзы аҵак ҷыда амоуп. Ҳахәаԥшцәа иҭабуп ҳәа раҳҳәоит адгылара азы”, – илҳәеит Берӡенишвили.

Қырҭтәыла ахаҭарнак Мариам Бигвава ахәыҷтәы Евровизиа 2022 аҿы иреиӷьу хҩык ашәаҳәаҩцәа дреиуоуп, Мариам ахԥатәи аҭыԥ аанылкылеит. Ақырҭуа конкурсант 161 балл лоуит. Евровизиаҿ аиааира игеит Франциа ахаҭарнак (203 балл), аҩбатәи аҭыԥ аанылкылеит Шәамахьтәыла ахаҭарнак (180 балл). Польшеи Шәамахьтәылеи Қырҭтәыла ахаҭарнак 12 балл ланаршьеит.