Мариа Пеичинович Бурич – Ампыҵахаларатә цәаҳәа ааигәара аурыс аофицар Қырҭтәыла атәылауаҩ дахьишьыз ҳгәы ԥнажәоит
Европатәи ахеилак амаӡаныҟәгаҩ хада Мариа Пеичинович Бурич Кирбали ақыҭа иазааигәаны аҭыԥ змаз ахысраан Қырҭтәыла атәылауаҩ ишьра инамаданы “Твиттер” аҿы аҳәамҭа ҟалҵеит.
„Қырҭтәыла Цхинвалтәи/Алада Уаԥстәылтәи арегион аҟны, ампыҵахаларатә цәаҳәа ааигәара аурыс аофицар Қырҭтәыла атәылауаҩ дахьишьыз ҳгәы ԥнажәоит, иҭахаз иҭаацәареи Қырҭтәыла аиҳабыреи срыдашшылоит. Аҩбатәи аган ахь ааԥхьара ҟасҵоит имҵарсу атәылауаҩ доурыжьҭырц”, – иануп аҳәамҭаҿ.
Қырҭтәыла Аҳәынҭқарратә шәарҭадара амаҵзура адыррала, ампыҵахалатә мчқәа Кирбали ақыҭа иазааигәаны аҭыҧантәи анхаҩы закәандарала данааныркылоз ахысра иалаган, Қырҭтәыла атәылауаҩ дҭахеит.