Ишыҟазаалакгьы, аҵыхәтәаны, Ауаажәларратә дырраҭара иазку азакәан иадҳәаланы ҳаиқәшаҳаҭхеит, – иҳәеит афракциа  „Ақырҭуа гәахәтәы“ ахантәаҩы Мамука Мдинараӡе иахьа имҩаҧгаз апарламенттә аиҳара реилатәара ашьҭахь.

Мамука Мдинараӡе Ауаажәларратә дырраҭара Ахылаҧшратә хеилак анапхгаҩы Васил Маҕлаҧериӡеи агенералтә директор Ҭинаҭин Берӡенишвилии ҭабуп ҳәа реиҳәеит аконсультациақәа рҽалархәразы.

„Аконсультациақәа рышьҭахь ҳара аконкреттә аӡбара ҳадаҳкылеит  – анеҩстәи ҩышықәса рыҩныҵҟа Ауаажәларратә дырраҭара абиуџьет ишыҟаз еиҧш иаанхоит. Уи абзоурала,  дара апроект бзиақәа рхыркәшара рылшоит  – ахыбра ҿыц, ишеибгоу аинфраструктура, аибыҭара уҳәа, абри зегьы аҵыхәанӡа инаргоит.  Ҩышықәса рышьҭахь, 2026 шықәса ажьырныҳәа 1 инаркны амч зауа апҟара ҿыц инақәыршәаны,  Ауаажәларратә телехәаҧшра афинансыркра Қырҭтәылаҿ аусурҭа змоу ауааҧсыра рхыҧхьаӡара иахьыҧшызаауеит.  Иаҳа конкретла иаҳҳәозар, аусурҭа змоу ауааҧсыра рхыҧхьаӡара  64-нтә ишьҭыхны. Иахьатәи аҭагылазаашьала ҳахәаҧшыр, ҵыҧх аусурҭа змаз ауаа рхыҧхьаӡара инақәыршәаны, дара уажәтәи аоперациатә харџьқәа зегьы хырҩуеит. Ҳаҧхьаҟа иаҳа ирацәаны ауааҧсыра аусурҭа роуп ҳәа ҳгәыҕуеит. Ҳәарада, зеиҧшҟамлац азҳара зыҟамларгьы,  уезгьы азҳара ҟалоит.  Абри аҧаратә аицҵалыҵ иахьатәи аоперациатә харџьқәа иреиҳахоит. Аџьаусҧса ацҵареи аинфлиациеи инақәыршәаны, Ауаажәларратә дырраҭара аҩныҵҟа ахырхарҭақәа зегьы рыла адекваттә азҳара ҟалар ауеит. Агәра ганы сыҟоуп ҳтәылаҿы  аусурҭа зауа ауаа иҵегьы ишырацәахо, уи инақәыршәаны, автоматла, Ауаажәларратә дырраҭара афинансыркра азҳауеит. Иара убас,  азакәан ишану ала,   аусурҭа змоу ауаа рхыҧхьаӡара маҷхар,  Ауаажәларратә дырраҭара абиуџьет автоматла уи иашьҭагылом, абиуџьет еиҵхом“, – иҳәеит Мамука Мдинараӡе.