Иацы шьыжь инаркны хәлаанӡа авизалиберализациа аҧыхра иалацәажәон, уи ҟалашьа змам усуп, избанзар абри аҩыза аӡбара адкыларазы аконсенсус наӡа иҟазароуп. Дара амц шырҳәо анааҳарҧшы, иахьа  авизадатә режим аамҭала аанкылара алацәажәара иалагеит, уи азгьы атәылақәа реиҳара рықәшаҳаҭра иҟазароуп. Уи азыҳәан, раҧхьа иргыланы,  аконкреттә азинтә ашьаҭа аҭахуп, аха, уи еиҧш ашьаҭа иҟам, – иҩит  апарламенттә аиҳара рлидер Мамука Мдинараӡе  асоциалтә аҳаҿы. Иара Европарламент арезолиуциаҿы аоппозициаа иҟарҵаз ақәҿыҭра дахцәажәеит.

Мдинараӡе иҳәамҭала, аоппонентцәа атәыла ишаҧырхагаша ауп изызхәыцуа, Қырҭтәыла атәылауаа авизалиберализациа рзаанкылара азыҳәан атеориатә мҩақәа ирышьҭоуп.

Иара иажәақәа рыла , иаҳа алиустрациа зыҟалом, избанзар,  аоппонентцәа  Саакашвили ихақәиҭтәреи, Иванишвили асанкциақәа изышьақәыргылареи, аартымзаареи, ЛГБТ апропагандеи иазку арезолиуциа иадгылоит.