Апарламенттә аиҳара алидер  Мамука Мдинараӡе иҳәамҭала, Қырҭтәыла аҩбатәи афронт аартра иазҿлымҳау аконкреттә мчқәа иҟоуп, урҭ аглобалтә аибашьра апартиа рыхьӡуп.

Мамуки Мдинараӡе иажәақәа рыла, дара ахаан ирымҳәацт Евроеидгылеи Америкеи  аглобалтә аибашьра апартиа иаҵанакәеит ҳәа.

«Америка аибашьра аҭахуп ҳәа ҳҳәо шәаҳахьоума. Ҳара ахаангьы иҳамҳәацт Евроеидгылеи Америкеи аглобалтә аибашьра апартиа иаҵанакәеит ҳәа.  Ҳара ахаангьы уи ҳамҳәацт, ари ҳхаразҵо зегьы ааҳарҧшыроуп.

«Аглобалтә аибашьра апартиа» ҳаналацәажәо, агәра ганы ҳаҟоуп аҩбатәи афронт аартра иазҿлымҳау амчқәа шыҟоу.  Ҳара абри зегьы аконкреттә мчқәа ирыдаҳҳәалоит, иаҳҳәап, Трамп ишьра аҽазышәара,  Фицо иқәлара азҿлымҳара, Иракли Кобахиӡе иқәмақарра, Бизина Иванишвили ишьразы атерракт аиҿкаара аҽазышәара.

Еиуеиҧшым атәылақәа  ииашамкәа акритика анаҳзыруа, зҵаарак цәырҵуеит: ҳара аус здаауло аверсиа ииашамзар, нас, иарбан версиоу ииашоу? Аргама зылацәажәара ҟамло азҵаарақәа иҟоуп, ҳара  урҭ ҳрылацәажәом, Қырҭтәыла аиқәырхаразы рылацәажәара ҳақәшәаратәы Анцәа иҟаимҵааит», — иҳәеит  Мамука Мдинараӡе.