Мамука Мдинараӡе - Апарламент аҿы ишьаҭаркхоит 2003-2012 шықәсқәа рзы арежим иаҵанакуаз аполитикатә чинуаа русзура аус еизырго аамҭалатәи аусԥшааратә комиссиа
«Ааԥынтәи асессиа актәи амчыбжь азы Апарламент аҿы ишьаҭаркхоит 2003-2012 шықәсқәа рзы арежим иаҵанакуаз аполитикатә чинуаа русзура аус еилзырго аамҭалатәи аусԥшааратә комиссиа », — иҳәеит апартиа «Ақырҭуа гәахәтәы» аофис аҿы имҩаԥгаз абрифнг аҿы апартиа «Ақырҭуа гәахәтәы» анагӡаратә маӡаныҟәгаҩ апарламенттә аиҳара рлидер Мамука Мдинараӡе.
«2003-2012 шықәсқәа раан аҭыԥ змаз асистематә ацәгьоурақәа ртәы зегьы ибзиаӡаны ирдыруеит. Ари: абаандаҩцәа рыргәаҟра, ауаҩшьра, амчылара, хаҭалатәи аԥсҭазаара аҽалагалара, акоррупциа, абизнесс ақәыӷәӷәара, аԥара атәтәра, аихқәа рытәтәра, 2008 шықәсатәи аибашьра алагара азхаҵара, ақырҭуа аруаа арратә ацәгьоурақәа рҿы ахара рықәҵара ауп.
Арҭ асистематә ацәгьоурақәа рус аилыргареи, арежим ахәшьара аҭареи рзы ааԥынтәи асессиа актәи амчыбжь азы Апарламент аҿы ишьаҭаркхоит 2003-2012 шықәсқәа рзы арежим иаҵанакуаз аполитикатә чинуаа русзура аус еилзырго фымз аус зауа аамҭалатәи аусԥшааратә комиссиа», — иҳәеит апартиа «Ақырҭуа гәахәтәы» аофис аҿы имҩаԥгаз абрифнг аҿы апартиа «Ақырҭуа гәахәтәы» анагӡаратә маӡаныҟәгаҩ апарламенттә аиҳара рлидер Мамука Мдинараӡе.
Мдинараӡе ишазгәеиҭаз ала, апарламент шьақәнарӷәӷәо акомиссиа аҳасабырба Қырҭтәыла апрокуратура ашҟа рышьҭуеит.