Аоппонентцәа дарбанызаалак кандидатк идгылар рҭахымхеит, убри аҟынтә, уаҵәы аомбудсмен даҳзалхом, аусура наҳагӡоит, – иҳәеит афракциа  „Ақырҭуа гәахәтәы“ ахантәаҩы Мамука Мдинараӡе аиҳара реилатәара ашьҭахь имҩаҧгаз абрифинг аҿы.

Иара иажәақәа рыла, дара ааҧынратәи асессиаан азеиҧш кандидат изы еиқәшаҳаҭхарц азыҳәан аусура нарыгӡоит.

„Ишыжәдыруа ала, аомбудсмен иҭыҧ азы акандидат идҳәаланы аконсультациақәа мҩаҧган.  Иахьа абарҭ аконсультациақәа рылҵшәақәа шәасҳәар сылшоит.  Аоппозициаа ирыдаагалаз 5ҩык акандидатцәа рҟынтәи аӡәы далырхызҭгьы, аусура анагӡара ҳалшон, аха, ҳоппонентцәа кандидаткгьы идгылар рҭахымхеит. Убри аҟынтә,  уаҵәы аомбудсмен даҳзалхом, ааҧынратә асессиаан азеиҧш кандидат изы ҳаиқәшаҳаҭхарц азыҳәан аусура наҳагӡоит“, – иҳәеит Мамука Мдинараӡе.