„Ақырҭуа гәахәтәы“ анагӡаратә маӡаныҟәгаҩ Мамука Мдинараӡе иҳәамҭала, иара имоу аинформациа ала, аиҿкаара  „Ииашоу алхрақәа“ анапхгаҩы еицтәараны абыжьқәа рыҧхьаӡара алҵшәақәа  рцәыргара азин ирҭом.

Мдинараӡе иҳәамҭала, USAID аҧара ззоунашьҭыз аиҿкаара  „Ииашоу алхрақәа“ Қырҭтәыла имҩаҧгаз алхрақәа рышьҭахь мышкибжаки ашьҭахь адыррақәа цәырнагароуп.

„Иацы дара аҳәамҭа заҵәык ҟарҵеит, уаҟа ианын: „Аиҿкаара ала еицтәараны абыжьқәа рыҧхьаӡара аверификациа Қырҭтәыла Алхратә комиссиа хада ицәырнагаз алҵшәақәа иреиҧшуп“. Уи иазхом. Ааи, аобиективразы ҭабуп ҳәа шәасҳәоит. Дара Алхратә комиссиа хада алҵшәақәа иазхарҵеит, уи еилкаауп. Аха, џьара ҧшьала акәымкәа, абжьааҧны ишыҟарҵоз еиҧш, аргама иқәгыланы, ауааҧсыра ирарҳәааит дара рдыррақәеи Алхратә комиссиа хада адыррақәеи шеиҧшу.  Апартиа цыҧхьаӡа иаиуз абыжьқәа рхыҧхьаӡара рҳәааит. Уи ҟарҵар, аманипулиациазы ақәыҧшылара рзаанхом. Мышкибжаки ҵит, дара уажәгьы алҵшәақәа цәыррымгацт. Избанзар,  еицтәараны абыжьқәа рыҧхьаӡара алҵшәақәеи Алхратә комиссиа ицәырнагаз алҵшәақәеи еиқәшәоит. Арҭ алҵшәақәа цәырыргар  алхрақәа ҧаршеин ҳәа изларҳәои?“ – иҳәеит Мамука Мдинараӡе.

Аиҿкаара  „Ииашоу алхрақәа“ аҿы ишырҳәаз ала, ари аиҿкаара еицтәараны абыжьқәа рыҧхьаӡара алҵшәақәа рцәыргара агәы иҭам.

„Аиҿкаара ала еицтәараны абыжьқәа рыҧхьаӡара аверификациа Қырҭтәыла Алхратә комиссиа хада ицәырнагаз алҵшәақәа иреиҧшуп, аха, уи алхратә процесс азакәанра аҳәаақәҵаразы ахархәара ҟалом,  избанзар,  алхрақәа раан иаарҧшыз аилагарақәа рымшала алхыҩцәа рхы иақәиҭны алхра аҟаҵара рылшомызт“, – ирҳәеит аиҿкаараҿы.